Lojërat Mesdhetare Prishtina 2030 kanë shkaktuar tensione mes deputetit të Lidhjes Demokratike të Kosovës (LDK), Avdullah Hoti, dhe ministrit të Financave, Hekuran Murati, gjatë diskutimeve në Komisionin për Buxhet.
Hoti ka kritikuar Qeverinë për mungesën e përgjegjësisë në organizimin e kësaj ngjarjeje sportive, duke kërkuar që ekzekutivi të marrë përsipër financimin e plotë të projekteve të nevojshme, në rast se Komuna e Prishtinës nuk arrin t’i realizojë ato.
Fillimisht, deputeti i LDK-së, Hoti, i ka quajtur Lojërat Olimpike, ato Mesdhetare, ndërsa Murati ka reaguar ndaj këtij komentimi.
