Ish-kreu i Aleancës për Ardhmërinë e Kosovës, deputeti Ramush Haradinaj, ka shprehur shqetësimin e tij lidhur me vizitën e disa përfaqësuesve të Listës Studentore nga Serbia në Kosovë.
Ai theksoi se institucionet e vendit duhet të tregojnë kujdes të veçantë dhe t’i monitorojnë nga afër këto vizita.
Haradinaj theksoi se dhënia e lejeve për hyrjen e politikanëve serbë duhet të bëhet me shumë kujdes.
Ai madje sugjeroi se disa prej tyre do të kishin duhej të arrestoheshin. “Ardhja e politikanëve nga Serbia duhet me u bë me kujdes, dhënia e lejes.
Kujdes edhe në porositë që ata përhapin.
Më herët ishte Daçiqi nga Prizreni, këta e ndoqën rrugën e tij, erdhën në Kosovë dhe deklaruan atë që është e papranueshme.
Ata munden me pa andrra, s’bahet kurrë, por institucionet e Kosovës duhet me bë kujdes dhe me i përcjellë vizitat e tyre.
Ata që i thyejnë rregullat e një vizite, ose duhet me u përballë me ligjin e Kosovës dhe disa nga ta është dashtë me u mbajtë në arrest”, tha Haradinaj për Indeksonline.
Burimi origjinal i informacionit: zeri .info
