Gjermania është ekonomia më e madhe në Evropë që do të përjetonte humbjet më të mëdha financiare nga një ditë greve, duke shkuar në rreth 2.5 miliardë euro, sipas një krahasimi të publikuar nga Euronews.
Pas saj, renditen Franca dhe Italia, ndërsa Spanja do të humbiste rreth 930 milionë euro.
Ky krahasim vjen në prag të grevës së përgjithshme 24-orëshe që do të zhvillohet në Spanjë, e organizuar nga dy sindikatat më të mëdha të vendit, Comisiones Obreras (CCOO) dhe Unión General de Trabajadores (UGT), për të mërkurën.
Greva e fundit e përbashkët e këtyre dy organizatave u mbajt në nëntor të vitit 2012, në një periudhë kur Spanja përballej me një krizë të thellë dhe masave shtrënguese ekonomike.
Këtë herë, kërkesat e sindikatave lidhen kryesisht me çështjet e përditshme: banesa me çmime të përballueshme, paga që reflektojnë rritjen e kostos së jetesës dhe shërbime publike më funksionale.
