Pak javë para zgjedhjeve të 7 qershorit, u vendos gurëthemeli i këtij objekti spitalor, madje me një ceremoni të nivelit të kryeministrit.
Po ndërtohet reparti i ri pediatrik në Spitalin e Përgjithshëm të Gjilanit, me një vlerë rreth 1 milion euro.
Ky spital, megjithatë, ka një repart pediatrik të ndërtuar që në vitin 2010, me kapacitet prej 28 shtretërve.
Sipas një raporti zyrtar të vitit 2023, shfrytëzimi i shtreterëve është tejet i ulët, vetëm 20%, çka do të thotë se pediatria ka shumë pak pacientë të hospitalizuar.
Televizioni ka qëndruar për disa orë në këtë institucion spitalor, por drejtori, Afrim Cana, u bë i paqasshëm në telefon sapo e kuptoi se aty ishte Klan Kosova.
Një përgjigje me shkrim u dha nga ShSKUK të premten, pas më shumë se një jave.
ShSKUK pranon numrin e vogël të pacientëve, por thekson se nevoja për një investim të tillë nuk duhet të bazohet në këtë statistikë.
Për më tepër, ata arsyetojnë se spitali publik i Gjilanit u shërben edhe zonave përreth Preshevës dhe Bujanocit.
Burimi origjinal i informacionit: zeri .info
