Një diskutim mes Bejtës dhe Nichit në shtëpinë e Big Brother VIP Kosova 5 mori një kthesë emocionale, pasi reperi reagoi ndaj mënyrës se si iu drejtua banori tjetër.
Gjatë bisedës, Bejta iu referua Nichit me fjalën ‘bir’, një shprehje që nuk u prit mirë nga ky i fundit.
Nichi reagoi duke i treguar se babanë e kishte humbur para dy vjetësh dhe se nuk dëshironte që kjo çështje të përdorej në diskutimet brenda shtëpisë. “Një baba e kam pasur o Bejtë.
Vetëm një. Është shkuar ai që dy vjet.
Nuk kam ardhur këtu për t’u viktimizuar.
T’i thuash bir dikujt është nënçmim”, u shpreh ai.
Reagimi i reperit solli në vëmendje një pjesë të dhimbshme të jetës së tij, ndërsa theksoi se nuk dëshiron të viktimizohet për humbjen që ka përjetuar, por as të pranojë shprehje që i konsideron nënçmuese.
Bejta gjithashtu i kërkoi falje me arsyetimin se nuk e dinte një gjë të tillë.
Burimi origjinal i informacionit: telegrafi .com
