Senatorja republikane Susan Collins ka humbur zgjedhjet për Senatin amerikan në shtetin e Maine, duke i dhënë fund karrierës së saj gati 30-vjeçare në këtë institucion.
Collins, e cila ka qenë pjesë e Senatit që nga viti 1997, u mposht nga kandidati demokrat Troy Jackson, në një nga fitoret më të rëndësishme të demokratëve në zgjedhjet e mesmandatit.
Gjatë fushatës, Jackson e kritikoi vazhdimisht senatoren për mbështetje ndaj presidentit Donald Trump, duke e paraqitur atë si një pjesë të politikës që nuk po u përgjigjet shqetësimeve të qytetarëve.
Nga ana tjetër, Collins u përpoq të distancohej nga Trumpi, duke theksuar se kishte kundërshtuar disa prej propozimeve të tij dhe se kishte bashkëpunuar me të dyja partitë.
Jackson, ish-senator në parlamentin e shtetit të Maine, zhvilloi një fushatë të shkurtër prej vetëm 101 ditësh, pasi kandidati i mëparshëm demokrat u tërhoq nga gara.
Ai mbështet politika progresiste, përfshirë sigurimin shëndetësor universal, dhe gjatë fushatës mori mbështetje nga figura të njohura të krahut progresist të Partisë Demokratike.
