Ramush Morina, i akuzuar për krime lufte kundër popullatës civile gjatë vitit 1999 në Kosovë, është paraqitur para Gjykatës Themelore në Prishtinë, ku pritet të vazhdojë procesi gjyqësor ndaj tij.
Morina akuzohet se ka marrë pjesë në vrasjen e 34 civilëve shqiptarë, shkatërrimin e pronës, dëbimin e popullatës civile dhe plaçkitjen e pasurisë së rreth një mijë qytetarëve.
Sipas aktakuzës, më 31 mars 1999, në fshatin Burim të komunës së Malishevës, R.M., në bashkëkryerje me pjesëtarë të tjerë të forcave policore dhe ushtarake serbe, ka marrë pjesë në vrasjen e 34 civilëve shqiptarë.
R.M. akuzohet gjithashtu për pjesëmarrje në shkatërrimin e pronës, dëbimin masiv të popullsisë civile dhe plaçkitjen e pasurisë së rreth 1.000 qytetarëve, të cilët nuk ishin të përfshirë në luftë.
Burimi origjinal i informacionit: zeri .info
