Shkëmbimi i informacioneve të inteligjencës për Iranin dhe kërcënimet e tjera globale mes institucioneve amerikane, Kongresit dhe agjencive federale ka pësuar një ngadalësim dhe, në disa raste, është ndërprerë përkohësisht gjatë mandatit të dytë të presidentit Donald Trump.
Këtë e kanë konfirmuar tetë zyrtarë aktualë dhe ish-zyrtarë, si dhe persona të informuar për çështjen.
Ish-zyrtarë dhe ekspertë të jashtëm paralajmërojnë se këto ndërprerje rrezikojnë t’u japin vendimmarrësve amerikanë një pasqyrë të pamjaftueshme të kërcënimeve që i kanosen vendit.
Ata e krahasojnë këtë situatë me mangësitë e inteligjencës që u zbuluan pas sulmeve terroriste të Al-Kaedës më 11 shtator 2001.
