Përfaqësuesja e Kosovës për femra ka mësuar se kush do të jenë kundërshtarët e saj në edicionin e ardhshëm të UEFA Women’s Nations League 2027, pas shortit të tërhequr këtë të martë në Nyon të Zvicrës. “Dardanet” do të garojnë në Grupin 4 të Ligës B, ku do të përballen me Slloveninë, Turqinë dhe Hungarinë, një grup që pritet të sjellë sfida interesante për përfaqësuesen kosovare.
Kosova e siguroi vendin në Ligën B përmes paraqitjeve të shkëlqyera në kampanjën paraprake, duke triumfuar në Grupin C2 dhe fituar të drejtën për të avancuar në një nivel më të lartë të garës.
Ndërkohë, në kualifikimet për Kupën e Botës 2027, që do të mbahet në Brazil, rrugëtimi i “Dardaneve” përfundoi në raundin e parë të plejofit, pasi u eliminuan nga Austria.
