Arsenali është duke u përgatitur të bëjë lëvizje në afatin kalimtar të janarit, me trajnerin Mikel Arteta që e ka identifikuar repartin ofensiv si një prioritet për përforcim.
Klubi londinez ka ambicie për të vazhduar garën për titullin e Ligës Premier dhe për të arritur sukses në Ligën e Kampionëve.
Sipas raportimeve, drejtuesit e Arsenalit janë duke shqyrtuar disa mundësi për të rritur konkurrencën dhe thellësinë në repartin ofensiv.
Një nga emrat që ka tërhequr vëmendjen e Arsenalit është sulmuesi i Bournemouthit, Junior Kroupi.
Megjithatë, transferimi i tij në mes të sezonit pritet të jetë i vështirë, pasi klubi aktual nuk dëshiron ta humbasë lojtarin gjatë janarit.
Interesi për këtë talent raportohet të jetë edhe nga Paris Saint-Germain dhe Bayern Munich, gjë që mund ta komplikoje edhe më shumë garën për shërbimet e tij.
Një tjetër emër në listën e dëshirave të Artetës është Kenan Yildiz, sulmuesi anësor i Juventusit, i cili është gjithashtu i pëlqyer nga drejtuesit e Arsenalit.
Ata po shqyrtojnë mundësitë për ta sjellë atë në Londër.
Megjithatë, Arteta nuk po kërkon vetëm një futbollist për një pozitë të caktuar.
Ai dëshiron një sulmues të gjithanshëm që mund të luajë në disa pozita të ndryshme në repartin ofensiv.
Një nga prioritetet e veçanta është përforcimi i krahut të majtë të sulmit, ku Arsenali dëshiron të ketë më shumë alternativa dhe cilësi.
Klubi londinez kishte tentuar gjatë verës të realizonte transferimet e Morgan Rogers dhe Vinicius Junior, por asnjëra prej këtyre lëvizjeve nuk arriti të konkretizohej.
Prandaj, drejtuesit e Arsenalit po shqyrtojnë mundësi të reja, me qëllim që skuadra të mos e humbasë ritmin në garën për trofe.
