Partia Demokratike në SHBA po hyn me pritshmëri të larta në zgjedhjet afatmesme, të cilat janë të njohura si vendimtare për të ardhmen politike të vendit.
Një president republikan që ka një nivel të ulët mbështetje, pakënaqësia e qytetarëve për rritjen e çmimeve të ushqimeve dhe faturave, si dhe sondazhet pozitive të muajve të fundit, i japin demokratëve arsye të forta për të shpresuar në një rezultat të mirë në zgjedhjet e së martës.
Sipas sondazheve, kandidatët demokratë kryesojnë në shumë më tepër se 218 zonat zgjedhore që u nevojiten për të marrë kontrollin e Dhomës së Përfaqësuesve, dhomës së ulët të Kongresit amerikan.
Ndërkohë, në garat kryesore për Senat, ata janë në barazim ose kanë një epërsi të lehtë.
Një sondazh i fundit e paraqiti garën për Senat në Karolinën e Jugut si të barabartë, ndonëse Donald Trump e kishte fituar këtë shtet me 18 pikë përqindjeje në vitin 2024.
Sondazhet e fundit të CNN-it tregojnë gjithashtu epërsi të demokratëve në Teksas, Kansas dhe Maine.
