Milani nuk do të ketë në dispozicion Adrien Rabiot, Mario Gila dhe Diego Moreira për ndeshjen e së dielës ndaj Udineses, në kuadër të Serie A.
Sipas Sky Sport Italia, asnjëri prej këtyre tre lojtarëve nuk është përfshirë në listën e Ruben Amorimit për këtë përballje që do të zhvillohet në stadiumin “Bluenergy”.
Rabiot po përballet me probleme lodhjeje në pulpën e këmbës së djathtë, ndërsa Moreira ka një shqetësim të ngjashëm në muskulin e pasmë të kofshës së majtë.
Nga ana tjetër, Gila po vuan nga një inflamacion në kyçin e majtë të këmbës, i shkaktuar nga mbingarkesa fizike.
Të tre pritej të riktheheshin në formacionin startues pas humbjes 3-0 ndaj Bournemouthit të enjten, në kuadër të Ligës së Evropës.
Në atë ndeshje, Rabiot u aktivizua në pjesën e dytë, ndërsa Moreira ishte titullar.
Mungesat përbëjnë një goditje të rëndësishme për Amorimin, i cili tashmë po përballet me një listë të gjatë lëndimesh.
Samuel Chukwueze do të mungojë për të paktën dy muaj për shkak të një problemi në ijë, ndërsa Matteo Gabbia dhe Alexis Saelemaekers janë gjithashtu jashtë fushave për një periudhë të gjatë.
Megjithatë, ka lajme më të mira për Gonçalo Ramosin, i cili është rikuperuar nga problemi në pulpë dhe të premten është rikthyer në stërvitje të plotë me ekipin.
Milani e pret këtë përballje nga pozita e katërt në tabelë, me 15 pikë, dhe ende pa asnjë humbje në Serie A nën drejtimin e Amorimit.
Ndërkohë, Udinese vjen pas pesë humbjeve radhazi.
