Kryetari i Komunës së Prishtinës, Përparim Rama, ka konfirmuar se do të kandidojë për kryetar të Lidhjes Demokratike të Kosovës.
Rama e bëri të ditur këtë sot kur u pyet nga gazetarët nëse do të hyjë në garë për udhëheqjen e partisë. “A e keni dëgju që kam thënë që po, do të jem kandidat për kryetar të LDK-së.
Unë jam dëshmu në Prishtinë, jam rizgjedh kryetar, e kam pru LDK-në të parën në Prishtinë”, deklaroi Rama për Blicin, transmeton Zeri.info.
Ai u pyet edhe nëse kryetari aktual i LDK-së, Lumir Abdixhiku, duhet të japë dorëheqje pas zhvillimeve të fundit politike. “Mendoj që do të kishte bërë mirë me dhënë dorëheqje Lumir Abdixhiku, ashtu duhet me bë”, u shpreh Rama.
Deklaratat e tij vijnë në kohën kur LDK-ja përballet me diskutime për drejtimin e ardhshëm të partisë dhe përgjegjësinë e udhëheqjes aktuale.
Burimi origjinal i informacionit: zeri .info