Kim Kardashian ka bërë një deklaratë të rëndësishme rreth lidhjes së saj me pilotin e Formula 1, Lewis Hamilton, duke shprehur se ndihet shumë e lumtur dhe se ai i plotëson të gjitha 55 kriteret që kishte në listën e partnerit ideal.
Në episodin më të fundit të spektaklit “The Kardashians”, Kim nuk e përmendi Hamiltonin me emër, por ishte e qartë se po fliste për të.
Gjatë një bisede me nënën e saj, Kris Jenner dhe motrën Khloe, ajo zbulojë se është 44 për qind britanike, një përqindje që përkon me numrin që Hamilton mban në makinën e tij të garave.
Më vonë, gjatë xhirimeve të filmit të saj të ri “The Fifth Wheel”, Kim diskutoi me kolegen Nikki Glaser për listën e cilësive që dëshiron te partneri.
Ajo tha se personi me të cilin është lidhur i plotëson të gjitha 55 kriteret e saj, duke e përshkruar këtë si një ndjenjë të jashtëzakonshme.
Lidhja e Kardashian dhe Hamiltonit është përfolur që nga shkurti, ndërsa në prill ata e konfirmuan publikisht lidhjen e tyre përmes Instagramit.
Që nga ajo kohë, çifti është parë gjithnjë e më shpesh së bashku, ndërsa Kim e ka mbështetur pilotin edhe gjatë garës së Formula 1 në Singapor, në fillim të tetorit.
Një burim pranë çiftit kishte deklaruar më herët për një revistë se ata kalojnë shumë mirë së bashku dhe se marrëdhënia e tyre duket e natyrshme.
Sipas burimit, fakti që njiheshin prej kohësh dhe ndajnë ambicie e synime të ngjashme jetësore ka ndikuar pozitivisht në lidhjen e tyre.
Para Hamiltonit, Kim ishte përfolur për një lidhje me Odell Beckham Jr., ndërsa në vitin 2022 kishte qenë në një marrëdhënie nëntëmujore me Pete Davidson.
Burimi origjinal i informacionit: telegrafi .com